Kitabxana Fondu

Azərbaycan Respublikası İqtisadiyyat Nazirliyi

İQTİSADİ İSLAHATLAR ELMİ TƏDQİQAT İNSTİTUTU

ELMİ-TEXNİKİ KİTABXANA

«... Xalq həmişə öz ziyalıları, öz mədəniyyəti, öz elmi ilə tanınır ...»

Ümumilli lider HEYDƏR ƏLİYEV

Zaman keçdikcə yaşam standartları və imkanları dəyişir, elmin tətbiqi imkanları genişlənir, yeni «texnoloji nəsillər» formalaşır, lakin kitab, kitabxana mədəniyyəti öz gözəlliyini, cəlbediciliyini təbii şəkildə qoruyub saxlaya bilir.

İstənilən formada müasir texnoloji nailiyyətlərlə təmin olunmasına baxmayaraq, ixtiyari kitabxana çoxsaylı, müxtəlif çeşidli məlumatların qorunması, onların istifadəçilərə təqdim edilməsi və sonrakı nəsillərə ötürülməsində mədəni irsin qoruyucusu, eləcə də informativ-ünsiyyət vasitəsidir.

Əsası 1964-cü ildə qoyulan elm ocağımızın nəzdindəki Elmi-Texniki Kitabxana 1967-ci ildən fəaliyyətə başlamışdır Ümumi sahəsi 72 m²olan Kitabxana fondunda mövcud olan resursların sayı 20000-dən çoxdur. Bu resurslar kataloqlar şəklində formalaşdırılmışdır (aşağıdakı keçiddən istifadə etməli).

Kitabxanamız gündəlik iş fəaliyyətində «Kitabxana işi haqqında» Azərbaycan Respublikasının Qanununa əsaslanır. Kitabxana fondu mütəmadi olaraq profilə uyğun yerli və xarici ədəbiyyatlarla zənginləşdirilir. Bundan əlavə Kitabxanamıza Azərbaycan Respublikası Prezidentinin 12 yanvar 2004-cü il tarixli 56 saylı Sərəncamı ilə, Azərbaycan Respublikası Prezidentinin İcra Aparatından, M.Axundov adına Milli Kitabxanadan, F.Köçərli adına Respublika Uşaq Kitabxanasından, ABŞ Səfirliyindən, digər səfirlik və xarici nümayəndəliklərdən, beynəlxalq təşkilat və qurumlardan, müəlliflərdən və digər mənbələrdən bir sıra kitablar hədiyyə olunmuşdur.

Hal-hazırda Kitabxanamıza yerli və xarici mətbuatdan müxtəlif qəzet, elmi-jurnallarla yanaşı, Azərbaycan Respublikasının Qanunvericilik toplusu, Statistika Komitəsinin nəşr etdiyi bütün statistik materiallar, avtoreferatlar daxil olur.

Ölkəmizdəki kitabxanalarla-M.F.Axundov adına Milli Kitabxana, AMEA-nın Mərkəzi Elmi Kitabxanası, AMEA-nın İqtisadiyyat İnstitutunun Kitabxanası, Respublika Elmi-Texniki Kitabxanası ilə sıx əməkdaşlıq edilir.

İctimai istifadəyə açıq olan Kitabxanamızdan arzu edənlər istifadə edə bilər.

Əlaqə məlumatları:

xanım Sayalı ABBASƏLİYEVA

(Əməkdar mədəniyyət işçisi)

İqtisadi İslahatlar Elmi Tədqiqat İnstitutunun Kitabxana və elmi nəşr şöbəsinin müdiri

Ünvan:

İİETİ-nin inzibati binası

H.Zərdabi prospekti, 88a, Bakı şəhəri

Tel: +99412 4316004 (dax.3902)

Fax: +99412 4300215

Mob: +99451 3363785

E-poçt ünvanı: sayali.abbasaliyeva@economy.gov.az