Cari ilin 26-28 aprel tarixlərində Bakıda "Kiçik və orta sahibkarlığın maliyyələşdirilməsi" mövzusunda təlim keçiriləcəkdir.

Təlim İslam İnkişaf Bankının (IDB) İslami Tədqiqatlar və Təlim İnstitutu (IRTI) və İqtisadiyyat Nazirliyi İqtisadi İslahatlar Elmi Tədqiqat İnstitutunun potensialın artırılması istiqamətində 2014-cü ildən etibarən davam etdirilən birgə əməkdaşlığı çərçivəsində təşkil ediləcəkdir.

Təlimin məqsədi iştirakçılara kiçik və orta sahibkarlıq müəssisələrinin iqtisadiyyatın inkişafında rolu və bu müəssisələr üçün bank maliyyələşdirməsi üzrə mühüm biliklərin verilməsi, habelə kiçik və orta sahibkarlıq bankçılığından faydalanmaq üçün mühüm texniki vasitələr, islam maliyyəsi və onun töhfəsi və İİB-nin ən yaxşı təcrübələrinə dair məruzələrin dinlənilməsidir. Təlimdə həmçinin Azərbaycanda kiçik və orta sahibkarlığın maliyyələşdirilməsi və onun risk faktorlarına dair təqdimat keçiriləcəkdir.

Təlimdə orta səviyyəli bank işçiləri, kiçik və orta sahibkarlıq sahəsində çalışan ixtisaslı işçilər, pərakəndə, korporativ və kredit şöbələrində çalışan, kiçik və orta sahibkarlıqla bağlı səlahiyyətə malik və yaxud malik ola biləcək şəxslər, tədqiqatçılar, iqtisadi və maliyyə siyasəti sahəsində çalışan mütəxəssislər iştirak edə bilərlər.

Təlimdə iştirak dəvət əsasındadır.

© İstifadə zamanı www.ier.az saytına istinad zərurirdir.