Aprelin 7-də Horizon 2020 çərçivəsində maliyyələşdirilən “EaP PLUS” layihəsinin xətti ilə Brüsseldə Şərq Tərəfdaşlıq (EaP) ölkələrinin nümayəndələrinin iştirakı ilə iclas keçirilmişdir.

Avropanın “Resurs və Enerji Səmərəliliyi yolu ilə Davamlı İstehsal Sənayesi” (SPIRE) təşkilatının dövlət-özəl əməkdaşlığının həyata keçirilməsi çərçivəsində keçirilən tədbirdə məqsəd Şərq Tərəfdaşlıq (EaP) ölkələrinin nümayəndələri, siyasət qərarları qəbul edənlərin iştirsakı ilə bu ölkələrdə enerji səmərəliliyi istiqamətində milli təşəbbüslərin müzakirəsindən ibarət olmuşdur.

Tədbirdə açılış sözü ilə çıxış edən Avropa Komissiyasının nümayəndəsi cənab Tierry Devars Avropa Birliyi və Şərq Tərəfdaşlığı 4-cü Platforma çərçivəsində elm, texnologiya və innovasiya, «Horizon 2020» çərçivəsində Şərq Tərəfdaşlıq ölkələrinin iştirakı, xüsusilə sənaye yönümlü təşkilatların iştirakına böyük marağın olduğunu bildirmiş, iştirakçılardan öz ölkələrində müvafiq sahədə fəaliyyət göstərən qurumların layihələrə cəlb edilməsi işinə dəstək göstərmələri tövsiyyə etmişdir. 

Daha sonra “CeRISS”in rəhbəri cənab George Bonas və “SPIRE”nin icraçı direktoru xanım Angels Orduna təqdimatlarla çıxış edərək, Şərq Tərəfdaşlıq PLUS (EaP PLUS) layihəsi və “SPIRE”nin təşəbbüslərinə dair dinləyicilərə ətraflı məlumat vermişlər.  

Şərq Tərəfdaşlıq (EaP) ölkələrində enerji səmərəliliyi üzrə milli təşəbbüslərin dinlənildiyi paneldə Azərbaycanla yanaşı, Gürcüstan, Ermənistan, Belarusiya, Moldova və Ukraynadan nümayəndələr təqdimatla çıxış etmişlər. Sonda Şərq Tərəfdaşlıq (EaP) və “Resurs və Enerji Səmərəliliyi yolu ilə Davamlı İstehsal Sənayesi” (SPIRE) təşəbbüsü çərçivəsində potensial əməkdaşlıq imkanları və istiqamətlər müzakirə edilmişdir. 

Qeyd edək ki. tədbirdə ölkəmizi İqtisadiyyat Nazirliyi İqtisadi İslahatlar Elmi Tədqiqat İnstitutunun Marketinq və koordinasiya şöbəsinin müdiri Aynurə İsmayılova təmsil etmişdir.

© İstifadə zamanı www.ier.az saytına istinad zəruridir.