Рейтинг@Mail.ru

İqtisadiyyat Nazirliyinin İİETİ-nin əməkdaşları sahibkarlarla görüşüblər

  • 09 Sentyabr 2019

Azərbaycan Respublikası Prezidentinin 6 dekabr 2016-cı il tarixli Fərmanı ilə təsdiq edilmiş “Azərbaycan Respublikasında kiçik və orta sahibkarlıq səviyyəsində istehlak malların istehsalına və kənd təsərrüfatı məhsullarının istehsalına və emalına dair Strateji Yol Xəritəsi”nin, həmçinin “Azərbaycan Respublikasında baramaçılığın və ipəkçiliyin inkişafına dair 2018-2025-ci illər üçün Dövlət Proqramı”nda nəzərdə tutulan tədbirlərin icrası ilə əlaqədar olaraq İqtisadiyyat Nazirliyinin İqtisadi İslahatlar Elmi Tədqiqat İnstitutunun bir qrup əməkdaşı 02-07 sentyabr 2019-cu il tarixlərində Şəki, Qax, Balakən və Zaqatala rayonlarında olublar.

İnstitutun əməkdaşları baramaçılıq üzrə ixtisaslaşmış regionlardan olan Şəki-Zaqatala iqtisadi rayonunda baramaçılıq sahəsindəki mövcud vəziyyəti araşdırılıb, baramaçılıqla məşğul olan sahibkarlarla görüşlər keçirib. Görüşlərdə müzakirələr aparılıb, sahibkarlara institut tərəfindən hazırlanmış “Əmək qanunvericiliyi üzrə yaddaş kitabçası” və “Kənd təsərrüfat kooperativləri barədə maarifləndirici vəsait” paylanılıb.



© İstifadə zamanı www.ier.az saytına istinad zəruridir. 

442.jpg
  • 09 Sentyabr 2019
  • 202