İyunun 4-də İqtisadiyyat və Sənaye Nazirliyinin İqtisadi İslahatlar Elmi Tədqiqat İnstitutunda “Elsevier” Şirkəti ilə əməkdaşlıq çərçivəsində “Elmi məqalələrin yazılması qaydaları” mövzusunda müəllif seminarı keçirilmişdir. 

 

Tədbirdə İqtisadi İslahatlar Elmi Tədqiqat İnstitutunun əməkdaşları, doktorant və dissertantları, eləcə də Bakı Dövlət Universitetinin, Azərbaycan Dövlət İqtisad Universitetinin, Azərbaycan Milli Elmlər Akademiyasının İqtisadiyyat İnstitutunun nümayəndələri iştirak etmişlər.

 

“Elsevier” Şirkətinin Türkiyə, İran, Orta Şərq və Mərkəzi Asiya üzrə meneceri Gamzə Kəskininin məruzəsi ilə təşkil edilən seminarda iştirakçılara elmi işlərin yazılması, nəşr olunması, ədəbiyyat və elmi məqalələrin xülasələrinin hazırlanması, bu sahədə beynəlxalq təcrübə, beynəlxalq nəşrlərin redaktorları və rəyçilərlə əməkdaşlığın qurulması, müəllif hüquqları və vəzifələri və s. barədə ətraflı məlumat verilmişdir.

 

 

© İstifadə zamanı www.ier.az saytına istinad zəruridir.