İyunun 25-də İqtisadiyyat və Sənaye Nazirliyinin İqtisadi İslahatlar Elmi-Tədqiqat İnstitutunda ABŞ-ın “Wiley” Nəşriyyatı ilə birgə əməkdaşlıq çərçivəsində “Beynəlxalq jurnallarda necə uğurlu nəşr olunmalı?” mövzusunda müəllif seminarı keçirilmişdir.

Seminarda İnstitutun əməkdaşları, dissertant və doktorantları ilə yanaşı, İqtisad Universitetinin, Elmi-Tədqiqat Kənd Təsərrüfatının İqtisadiyyatı və Təşkili İnstitutunun, Elmi-Tədqiqat və Layihə-Axtarış Energetika İnstitutunun, İqtisadi Araşdırmalar Elmi Tədqiqat İnstitutunun və Qafqaz Universitetinin nümayəndələri iştirak etmişlər.

Tədbirdə “Wiley” Nəşriyyatının Türkiyə, Şimali Kipr, Azərbaycan və Özbəkistan üzrə satış meneceri Deniz Yılmazoğlu “WILEY: Online Kitabxanasının təqdimatı” və nəşriyyatın baş redaktoru Kirsten Severinq “Müəllifin iş planı” adlı məruzələrlə çıxış etmişlər.

Sonda mövzu ətrafında fikir mübadiləsi aparılmış, iştirakçıları maraqlandıran suallar cavablandırılmışdır.

© İstifadə zamanı www.ier.az saytına istinad zəruridir.